قبيـلـتـي يـــوم افـاخــر فــــي فعـايـلـهـا=ماهـو علـى شـان ربـي حطـنـي حـربـي
لاوالله الا فــعــايــلــهـــا تــجــمّــلـــهـــا=من نجـد لااخـر حـدود الساحـل الغربـي
مـن دون اخصـص قبيلـه مــن قبايلـهـا=اعـزهــم ماحـسـبـت الـبـعــد والـقـربــي
يفخربـهـا الطـيـب باخـرهـا مــع اولـهـا=ويـقـول افـاخـر بـربـعـن دوم تفـخـربـي
مـاهـي سـوالـف مـراكـي يــوم ابجـلـهـا=كسبوا ثناهـم بوقـت الحـرب والضربـي
وقــت اللـقـا جـمـعـة الـعــدوان تاكـلـهـا=واحدهم ان لان طيّب وان ضرب صربي
ومـن جالهـم طالـب ٍحـاجـات يزهلـهـا=بـأيـة وسيـلـه وبـايــة حـالــه ودربـــي
والـيـوم وقــت الـرخـا واللـيـن امثـلـهـا=(اخـوان) متخاشريـن الاكــل والشـربـي
مــن بــدّ هالخـلـق يعجبـنـي تواصـلـهـا=والـبـال يصـبـح ليـاجـا يـمـهـم طـربــي
يلحقـنـي الـلـوم يــوم اذكــر فعايلـهـا؟؟=لاوالله الا افتـخـر لا قـيــل لـــي حـربــي

اثــر الرياجـيـل تـفــرق بـالـمـدى والـعــزوم=والطـيـب كـايـد وحـــزّات الـمـواقـف مـحــكّ
احد ٍ على اطرف سبـب ماعـاد يقـدر يقـوم=واحـد ٍ لـو تسـكّـر الدنـيـا بوجـهـه ضـحـك
واحـد ٍ يعشمّـك وتظـنـه عــزوم ٍ جــزوم=لاجـيــت ســـرّاك فـــي حـكـيـه ولاســرّحــك
شيخ المراكي.. جميل الهرج .. ذيب العلـوم=ان مـاخـسـرت بجـلـوسـك مـعــه مـاربّـحــك
طلبـت لـي اثنيـن فـي مكتـب بنفـس الـلـزوم=ولـقـيـت مايـزعـلـك مـنـهــم ..ومـايـفـرحـك
واحـد يخلـي لزومـك صعـب ..فـوق النجـوم=واحـــد قـبــل لاتــبــدّي حـاجـتــك يـنـطـحـك
ابشر .. وحاضر .. ويـوم تجينـي اعـز يـوم=وش لازمك ؟؟ يارفيقي طال عمـرك .. تحـكّ
تفـداه خبطـة صـدور .. الحايصيـن الـرخـوم=مـاهـوب نـاهـض مـعـك .. لـكـنّ لايـطـرحـك
والا انت لولا انك ضعيّف .. ومن روس قوم=والله لااحـرّج عـلـى فعـلـك مـعـي وافضـحـك
تــرى الكـراسـي لــو تـطـوّل بـهــا مـاتــدوم=لاجـا مكانـك رجــل .. خــل البـشـر تمـدحـك
خلك بشـوش الوجـه للنـاس وانـت امخـدوم=بـــدال مايـاصـلـك مـنـهـم حـكــي يـجـرحــك
اثــر الرياجـيـل تـفــرق بـالـمـدى والـعــزوم=والطـيـب كـايـد وحـــزّات الـمـواقـف مـحــكّ
احد ٍ على اطرف سبـب ماعـاد يقـدر يقـوم=واحـد ٍ لـو تسـكّـر الدنـيـا بوجـهـه ضـحـك