أبن وازن =
سـلام والكـل يغلـونـك = عبود جوده من الموجـود
بين العرب صدق يطرونك = جاتك على الصمد بالمولود
عبود =
ترحيب والكـل يبغونـك = لجلك من اهل الوفاء معدود
وانا مـن اللـي يهنونـك = لوكان تقدر عليـه تـزود
أبن وازن =
عسى البقى دوم فمزونك = وتولد معك ثانيه وتعـود
واشوف فرحتك فعيونـك = وكل الخلايق عليك شهود
عبود =
دامك معي تضحك سنونك = وذا غاية القول والمقصود
صعبه على اللي يردونك = وهات الاسم لاخر العنقود
ابن وازن =
عيني مع القلب يشرونـك = وقدرك على الراس ياعبود
مشاعر القلـب يدعونـك = هب الهوى بالموده ردود
عبود =
لوتطلب الروح من دونك = ماردها فالليالي السـود
وانا من اللـي يودونـك = ونفك باب الهوى بحدود