ابو عيد=
سلام له فالموافى شان=للملتقـى وكـل زواره
جينا لكم نعزف الألحان=في دار ماتنطفي نـاره
ابن وازن=
يامرحبا يرجح الميزان=وترحيب من كل شعاره
عزيز غالي من الاخوان=الملتقى زادات انـواره
ابو عيد=
عسـى البقـا والمـلاقـى زان=يـا متـقن القـيـل وادواره
اسمع صدى الصوت من عسفان=بعـد اللحـن حنـت اوتــاره
بن وازن=
شاعر ومثلك على الميدان=يشرف القـوم محضـاره
هات المعاني مع الاوزان=ونقطف سوا اجمل ازهاره
ابو عيد=
اللي تولّى على الوجدان=حظي مشى عكس تياره
كيف انقذه فكري الحيران=واطوي مسافات مشواره
بن وازن=
فحكم القدر قلبك الولهـان=والحي له خيـر فقـداره
تشكى من الشوق والنيران= لا تشقي القلب فحصـاره