[table1="width:85%;background-image:url('http://www.alhroob.com/vb/mwaextraedit2/backgrounds/197.gif');background-color:coral;border:6px groove sandybrown;"]
ان قلت كلمه وعارض من يخالفهـا
احفظ كرامتك لاتهفـي مـع الهافـي
لاتقول كلمه ومـن يسمعـك عايفهـا
بعض البشر هقوته يرقى الجبل حافي
اشوف لي عالـم تفـرض سوالفهـا
وكم جاهل ميقن انه خـوش عرّافـي
نفسه على مجادل اهل العرف عاسفها
في كل حاجه بهرجه يهرف اهرافـي
وليـا سمـع سالفـه لازم يحرفهـا
يبي ينير الفضـا بسراجـه الطافـي
كنه له اسنيـن حافظهـا وعارفهـا
له صوت عالي ولكـن البلاءخافـي
اهل هروج السماجـه مـا تشرفهـا
مجالـس بينهـا هالصنـف تنعافـي
ترى السمينه ليا سولـف مسولفهـا
تبي لهـا مستمـع لوكـان عرافـي
ما هو بشخص يغمّـض ويتخطفهـا
ليا اعطاك صدغه وغمّض قلت ياكافي
وان جيت في ديرة فاطلع مشارفهـا
حتى تبين الامور ويصفـي الصافـي
الناس دايم هواهـا مـع عواطفهـا
هذا نظام البشر من عصر الاسـلاف
واكثر عيوب الملا مانتـه بكاشفهـا
وقليل اليوم مـن يوفـي ويستافـي
اوضح اشيا كثيـر النـاس عارفهـا
على حسب ما عرفتـه والله الشافـي | [/table1]
[table1="width:85%;background-image:url('http://www.alhroob.com/vb/mwaextraedit2/backgrounds/200.gif');background-color:darkblue;border:6px groove sandybrown;"]
الله ياسلام يابو خالد الفريدي صح لسانك مدد بلا عدد على هذه الشامخه اسجل اعجابي اللامحدود بهذه الدرر
الثمينه والغير مسغربه من شاعرنا الجزل والمبدع بكل حالاته سلمت ودمت وادام الله لك هذه الابداع والمتميز وبيض الله وجهك يوم تبييض الوجيه لاعدمناك | [/table1]