ابو عادل=
اكتب رساله بموية عاج = مخلوط بالفل والكادي
تاصلك ياراعي الأفلااج = ياللي لك الطيب منقادي
عبد العزيز الزويهري=
ياللي بطيب النِبا وهّاج = في كل ديرة من بلادي
جات الرسالة على المنهاج = و حروفها تطرب الشادي
ابو عادل=
أصبر وعند الله الأفراج = وتعود لدار بسعادي
سباح ماهر على الأمواج = ما همك البعد والحادي
عبد العزيز الزويهري=
عن الصبر مالنا مخراج = و لا خاب من قال يا هادي
مير البلا خافقي لجاج = دايم على أحبابنا ينادي
ابو عادل=
الصبر محمود ما يحتاج = بعده يجيك الفرج بادي
يلتم شملك بهم ببهاج = وافراحكم دوم تنعادي