دام شعر المدح مفتوحا ً مجالـه
أمدح اللى بالكرم والطيب راقـي
حي دار عاش فيه و حـي فالـه
وحي جمعٍ ما حصل فيه أنشقاقي
بيت شيخ يشرح الخاطـر قبالـه
الكـلام يـدور و الدلـه تساقـي
أبونايـف تـارد الجمـه حبالـه
النباء مقبول و الجانـب أرقاقـي
و إن رجعنا للكرم فعلـه لحالـه
بالصحون يبرك عيـال النياقـي
الصحن لو يشتكي منه آشتكالـه
وتشتكي منه القدور أم الحلاقـي
و كان حاتم مات أبونايف بدالـه
و آنشد اللى ما يحبـون النفاقـي
و الوفاء و الطيب و الشيمه عقاله
عن لزومه مـا تتقـا بالمتاقـي
ياسلام لله درك يابو فارس على هالرائعه
صح لسانك ياعلي بن عبيد الحصني مدد
بلا عدد ويستاهل عبدالله بن ثواب المدح
والاطراء ويستحقه هو وكل جزل شرواه