ياصاحبي كان اتصالي بك ازعاج=أقطع يميني كان جاك اتصالي
دقيت كله خوف من بعض الاحراج=لاجيتني ثم قلت:وين الوصالي؟
كنت احسبنك ذيب واثرك هلباج=يامخلف الهقوات ياهملالي
لاتحْسبنّي يوم دقيت محتاج =ترا الكرامه بالزمن رأس مالي
والله لو انك على عين هداج=لهلك ضما ماطلبك نقطة زلالي
صدر السفينه ماشكى ضرب الامواج=تصمد بوجه الموج طول الليالي
ربانها يقودها قود الافواج=من جال يرسيها على جال جالي
لو كان مايلبس على راسه التاج=راسه رفيع ودايم الدوم عالي
الوضع مايحتاج وانته مايحتاج=من دون الاقصى بان زول الموالي
مادام مالك مع هل الجود منهاج=مالي ومالك وانت مالك ومالي
روّح وريح زين عن كثر الازعاج =واقطع يميني كان جاك اتصالي