[table1="width:85%;background-image:url('http://www.alhroob.com/vb/mwaextraedit2/backgrounds/197.gif');background-color:blue;border:6px groove green;"]
خذ من تجارب وقتك اليـوم عبـره
تراك من ركـاب مركـب وعابـر
مركب لكل الخلـق مافيـه كبـره
ماله مكينـة شـد عـزم وشنابـر
الموت مايرسل على الناس سبـره
ياخذ ضعوف الناس هـم والاكابـر
ونهأيـة المسلـم يـوارا بقـبـره
مع القبور اللـي بوسـط المقابـر
ادري وتخنقني عن القـول عبـره
وتضيق فيـه واسعـات المعابـر
العظم كسره يكفي الوقـت جبـره
وكسر الكرامه مالـه آيـات جابـر
والوقت لوعقب الحلا اسقاك صبره
خلك على قاسـي لياليـه صابـر
الصبر دربن به فرج مـن يعبـره
اهـل التقـا بـه حدثـو بالمنابـر
والعفن حذرا تطلبه سلـك الابـره
لو حاجتك بيديه قـل قطـع دابـر
خله عسى المثبور يبطـي بثبـره
ويفلس الله كـل حرصـن مثابـر
على الـردا عنـده تميـز وخبـره
زج بطحاطيـح النشامـا العنابـر
عن قيس طول اشبارهم قصر شبره
ألشكـوا لله مـار ماهـي مشابـر
تجمد قدم حاف القدم فـوق سبـره
وتشيب من بوس الحياة الصوابـر
وصفر التنك لويلمع المـاع تبـره
مثل البشر ماهم مناضـر مخابـر
ولاخط كتبٍ بالقلـم سـال حبـره
يشبه لنقش اصخور من عصر غابر
خذ من تجارب وقتك اليـوم عبـره
تراك من ركـاب مركـب وعابـر
الشاعر :عبيد نهارالفريدي الحربي | [/table1]
[table1="width:85%;background-image:url('http://www.alhroob.com/vb/mwaextraedit2/backgrounds/200.gif');background-color:darkblue;border:6px groove limegreen;"]
لله درك يابن راشد على هذه الدره الثمينه وهذه الشامخه كشموخ شاعرها عبيد بن نهار الفريدي اسجل اعجابي اللامحدود بكل حرف من حروفها واقول صح لسانك مدد بلا عدد على هذه الثمينه اللتي توجت بها ملتقى القوافي سلمت ودمت وادام الله لك هذا الابداع والتميز ودمت بحفظه الله وراعيته | [/table1]