/
/
/
/
/
/
/
/
/
/
/
/
/
/
/
/
/
(اخواني الاعزاء هذه القصيده كتبتها على طلب احد الاصدقاء)
طلبت مني نصـح واقـول لـك جـاك=بعطيـك مـن حلـو المعانـي إفـاده
احرص على اللي لجله الـرب سـواك=حافـظ علـى دينـك وشيـد عمـاده
وقيامتـك حضرلهـا وقـت دنـيـاك=وانـدم علـى ساعـه بغيـر العبـاده
واعمل لموقف فيه تشهدلـك اعضـاك=فـي يـوم ماتنفعـك فيـه الـجـلاده
وبالطيب جازي شخص خلّف وربـاك=حبك طغـى فـي حـب شربـه وزاده
والمعصيه سجن ٍ مـن الهـم منجـاك=ايمـوت راعيهـا وينبـض فــؤاده
واللي انكتب لك امـر محتـوم يلقـاك=ومافـات مايمديـك فـيـه الاعــاده
وكـل ماحولـك مصيـره لـلاهـلاك=والنـار تاليهـا بـيـاض الـرمـاده
ولاتشتكـي لاشفـت وقتـك تـحـداك=لاواهنـي مـن ياخـذ الحمـد عـاده
ودمح خطا المخطي على قـد ماجـاك=وارفع على الجاهـل سيـوف الركـاده
وبالورد جازي من يقدم لـك اشـواك=تلقـا مـن الرحمـن شكـر واشـاده
والحسد شوفـه سقـم بالحيـل فتـاك=ماتعملـه مـن خيـر ياكـل حصـاده
والجـود طبـع ٍ لايفـارق مـزايـاك=لـن العـرب نالـوا عليـه السيـاده
واحرص على الجيره ترى الجار فحماك=ولاتجيـك مـن يـم التطـور بـلاده
وقطع القرايب عار تفرح بـه اعـداك=مـن ويـن ماوجهـت تلقـا نـقـاده
وترى الخطا مرجوع لو كثروا احمـاك=والحـق لابــده يحـصـل مــراده
واهجر دروب العشق حـذراك حـذراك=والقـب حـارب رغبتـه فــي وداده
وخلّك مع اللـي فـي صلاحـه تعـداك=الصاحـب اللـي ذكـرك بالشـهـاده
واحـذر تخـاوي كـل نمـام افــاك=فـي صحبتـه تلقـا عـذاب وقـراده
ولاتدعي علـم ٍ بـه الجهـل يكسـاك=لـن الحـداده صنعـة اهـل الحـداده
والنصـح ماعافـه وسيـع ٍ لـلادراك=فرعـون وش حصـل نتيجـة عنـاده
والوقـت لايغويـك لاصـار يهـنـاك=يجيـك صيفـه بعـد نسمـة بــراده
والدين في بعده تـرى تهـون بلـواك=لاتقربـه لـو كـان تقـوى ســداده
ولا تسبق الاحـداث وتكـون شكـاك=ليلك يجيـه الصبـح يجلـي سـواده
وعين الضعيف اللي من الضيم ينخـاك=واعلن علـى المنّـات حـرب الابـاده
وليا عملت الطيب كـل عيـب عـداك=يرتـاح راسـك لرتـكـى للـوسـاده
والختـم صلـي عـد دورات الافـلاك=علـى الـذي جانـا بنـور وسعـاده
الشاعر/ خالد بن عبيد بن معتوق ألأحمدي