مجتمعنا في بلادي مختلف غايه (أُو) وسيله=كل شريحه عن شريحه غير عن كل الشرايح
منهم اللي منزله دايم على روس الطويله=منهم اللي عندها أو دونها قايم وطايح
ومنهم اللي كلمته من زينها تسوى قبيله=منهم اللي بالمجالس لا هرج هرجه فضايح
ومنهم اللي لا عمل معروف ما عدّه جميله=منهم اللي يعمل المعروف ويدوّر مدايح
ومنهم اللي سيرته للناس تكساها الرذيله=منهم اللي سيرته عنبر وعطر ومسك فايح
ومنهم اللي لا عشق عشقه يجي في بنت أصيله=منهم اللي عشقهم لبنان زايرها وسايح
ومنهم اللي لا لفى صارت ليالينا ثقيله=منهم اللي لا لفى بالحال نذبح له ذبايح
ومنهم اللي له طموح ٍ عند غيره مستحيله=منهم اللي في طموحه نشر الأخبار البجايح
ومنهم اللي بالمساجد ساجد يناجي خليله=منهم اللي بالشوارع تارك ٍ فرضه ورايح