قال الشاعر المعروف / عويدات بن محمد
قد ما شكرتك انا ماوفيك=يافن زايد على فني
انا اشهد ان الشهامة فيك=من أصل طيّب يواصلني
ياساس من معدنك صافيك=اطلب من الله يجملّني
شفت السعادة وانا اراعيك=في ليلة الأنس شايلني
و رديت له :
وانعم عويدات من ماضيك=ميقافكم ما يخجّلني
وفاك جاني قبل لاجيك=في كل واجب توجبّني
الطيب مقرون مع طاريك=دايم على العز سابقني
لازم فوقت اللقا نحميك=عسمي ولازمك يلزمني
رد عويدات :
ماخاب من جاك مترجّيك=يابن شريّان صدّقني
الخال والد ونا بناخيك=بين الخلايق تنومسني
ياشاد عضدي ونا شاريك=ياللي بفعلك تشرّفني
من نسل طيّب سبق وافيك=بالفعل ماهو فضل منّي
أيضاً قال ابو احمد :
ابغى إفادة من مجرب =من هاجسٍ فالفؤاد يلوج
لايوم فيه الرجا قرّب=امشي عدل و الليالي عوج
رديت له :
حصّن فؤادك بذكر الرب=يا شاكي الحب و العمهوج
كل يوم حث الخطا فالدرب=زيد الصبر و الصعاب تموج