فواز الزويهري =
ترحيب فيه المعاني حمول =والحال يصعب على الكافر
معلوم في مجابه المجهول =يداري البار والفاجر
عبد العزيز الزويهري=
عسا البقا والثقال تزول=وماشيئ يصعب على الشاطر
ومن دون راسل ولا مرسول =البينة تعلن الخاسر
فواز الزويهري=
ليتك معي والسفينة تجول =مابين جاهل ومتناكر
نرفع سوا صرحنا ونطول=والصرح مايهدمه باير
عبد العزيز الزويهري =
الصرح عالي بعرض وطول=مرفوع مايوصله ناكر
والله خلق للعباد عقول = من ماضي الوقت والحاضر

سعد علي الزويهري =
من بعد غيبة تجمعنا =والكل يحكي عن أوضاعه
فالقلب زادت مواجعنا=مابين شاري ومن باعه
فواز الزويهري =
ابقدرته مايفرقنا =ونداوي قلوب ملتاعه
احنا سوى في مصادقنا =نخلف هوى اللي بنا اطماعه

سعد علي الزويهري =
لولا ولولا ولولا ..لا =لبديلك العلم ما كنه
كل مابغى لسلا يسلى =يلقى الفرح مبتعد عنه
فواز الزويهري =
لولاك حديتها بلولا =فواز ذوقك من بنه
والليل بعده ضحى يجلى =كل الذي الليل قد جنه
سعد علي الزويهري =
لو ننوطي كلنا وتعلا =تبقى معانا بلا منه
محشوم ماتنرخص تغلا =والكل ممشاه من ظنه
فواز الزويهري =
الكل يمشي على ملا َ =وحلو الثمر ينعرف فنه
الله لا يجْعَلَك تبلا = وتختار فالفرض والسنه

مبسوط طيب ولابي خلاف=مادام الأحباب من حولي
وامشي ورا قلبي الميلاف=ولا اطيع عذال قالولي

فواز الزويهري =
هيا معي ندون الأشواق=ونسجل اللي يهز العود
ماذاق ..ماهو كما اللي ذاق=والطيبة فالبلاد تسود
عبد العزيز وسعد =
حدد توجهك لسواق=حتى يجي للمعامل فود
مهنا معانا ترا بواق =أمان لو كلبونا رقود
فواز الزويهري =
مشوارنا ياصحيبي شاق=والدرب من دونهم مرصود
لكن َ في آخره ترياق=للي من أهل الهوى ملهود
عبد العزيز وسعد =
الشوق ياما اتعب العشاق=وكل المشاعر معاه جنود
ياكم وياكم من مشتاق=يشكى ردى قلة المجهود
فواز الزويهري=
مادمت توقف بعظم الساق=لابد تجني زهر و ورود
والليل بعده يجي مشراق =وتشوف عينك هدف مرصود
عبد العزيز وسعد =
أحيانا (ن) الوقت لامن ضاق=يحكم وحكمه عليه شهود
كيف البصر كيف لامن فاق=حده من المبلغ المقصود
فواز الزويهري =
مادمت تحفظ لهم ميثاق=ماهمك الوقت لوبه زود
تعال واقطف من الأعذاق = والجود قالو من الماجود