حـرب ثـلاث حـروف مـعناها كما السيف الشطير=مـايختلف حتى لو حرفـيـن وحـرف مـقـصـودهـا
لـلـثـلاث بـدل أولـهـا بـأخـرهـا تـصـبـح مـصـيـر=برح الـعـدو مـكـانـه مـاقـدر يـقـطـع حـدودهــــا
وللربح خـل أولهـا مـن الحروف يكون الأخــيــر=ربـح مـخـاويهم يوم خاوا بـالـــنــاس أســودهـا
وللعلم أآخـرها قـبـل أولهـا عـلـمــهــم غــزيــر=بـحر عـلـمـهـم سـالـم نـقـص الـعلوم وزودهـــا
وللحـرفـيـن أول حـرفـيـن مـاخـضـعـت لـلـغـيـر=حر نسلهم ونـفـوسـهـم أطـلـقـت كـل قـيـودهــا
وللمـحـبـه شل الوسط وأجمع مـابـقـى يـصير=حب داخل قلوبهم وهو لـلـقـلـوب عـامــودهـا
ولـلحرف أول حرف ومنه ترى خافهم كـثـيـر=حميا يشيلون بعض لاجـت الدنيا بـصـدودهـا
والحرف الـثـانـي تــرى فـعلهم مـاله نــظــيــر=رمز للشجاعه في حاضرها وماضي جدودها
والحرف الثالث قـال فـيه الناس قـولأ شـهـير=باب الطيب هم مفتاحه قطفو ثمار جـهـودهـا
وخـتـامـهـا تـرى حرب دوله كل شعبها أمير=كلمتهم ( مايطيح علم الدوله وحنا جنودها )