السلام عليكم ورحمة الله وبركاته
البدع من عرابي
ياصاحبي والمعاني رمس=هيا معي وإترك اللي زل
خل الأمل في حياتك شمس=تنظر لها كل يوم تطل
ولا هيفت للمغيب العمس=إحلم يالين الصباح يحل
وعلى كذا والحكاوي همس=بين الهنا والروى والظل
الرد من عماد
ياصاحبي لك بصمت بخمس=والخمس الأخرى عليها أدبل
مابيننا فالمعاني طمس=تفصيلها يتبع المجمل
وإنته علاجك بطيب اللمس=في وصفته جرحنا يدمل
لكن عساها بقايا الأمس=مع الأمل جرحها يرحل