أبو فرح=
ياما ليالـي بهـا عشنـا=في رونق الود متخاويـن
من جور الايـام ماخفنـا=اهل واحبـه لنـا باقيـن
واليـوم جفـت منابعنـا=هلي اسى يادموع العيـن
تهنـا وتاهـت مراكبنـا=ولادري على وين متجهين
سالم البشري=
الـوقـت أول يساعـدنـا=مع بعضها الناس متصافين
عشنا ومشينا وكم شفنـا=ماشفت أنا الخلق متجافين
وتغيـر اليـوم واقعـنـا=حتى انقلب حالنـا حاليـن
الله عسى الوقت يسعفنـا=والود يرجع لنـا والزيـن
يمكـن نلاقـي مرافئـنـا=فيها ونرسي مع الراسيـن