ابو مبارك=
ياسلامي عليكم ثـان عيـد الضحيـه =وزهمولي زعيم الشعر قايـد عربنـا
بندر العوفي=
عد وبل " السماك " وديمة " العقربية=مرحبا بك بعد ما فالمكـان انتصبنـا
قبل ناخذ ونعطي قول ويـش القضيـة =ودي أعرف ولا تبعـد ومنّـك قربنـا
ابو مبارك=
القضيه يا ابو متعـب سـلام وتحيـه =ساحة اللعب نقوها من الـي قشبنـا
اسمع القرقعه واقول ويـش الوحيـه =أثر بعض الرجـال يـردد الله نكبنـا
بندر العوفي =
أعذر الجاهل اللي عاصـر الجاهليـة =ما درس ما تعلم من مناهـج كُتبنـا
بحذف اللي تناقز فوق ضلع الحويـة =قبل تتلـف مزارعنـا وتاكـل عنبنـا
ابو مبارك=
والله اني لاخلي كـل يحضـر وليـه =ثم يكتب تعهـد عمرنـا مـا لاعبنـا
كان جت للمعانـي والبيـوت القويـه =هنا صرف الذهب والحمد للي وهبنـا
بندر العوفي=
مشكله كان صار الرجل عقله شويـه =إن لطمته فشيله وإن تركتـه نِشبنـا
أشكرَك وأطلب الله ينكب أهل الخطيـه =وأعتذر كان ظرف الوقت عنكم نهبنـا
ابو مبارك=
ان تركته ترى تحسب علينـا رديـه =ألطمه لاتجامـل يابـو متعـب بدبنـا
مار اشوفه رحم نفسه ونـخ المطيـه =أعتزل والملاعب عافها مـن سببنـا