المشاركة الأصلية كتبت بواسطة عامر الحربي

اليا تركت الفرض خل النوافل = بعض التصرف منه بالعقل نقصان
مايستطيع يبرره كل رافل = يحتاربه طول الزمن عقل الانسان
الارض ضاعت بين طامع وجافل= بغداد عقب القدس من غير جولان
ماهي بتبوله ولحية فلافل = حجم الفقيده ياطبابيخ لبنان
والطبخ ماحداً فيه عالي وسافل = اللي يطلع جوهر الفرق ميدان
اليا متى يالمنهزم وانت غافل = والشجب والانكار موضوع الاعلان
اللي يرد الحق عزم وقوافل = تزحف ومعها زحف ناراً ودخان
وجحافل بالحرب تدحم جحافل = لين انها تصفي لواحد من اثنان
اما فتح باباً مع السلم قافل = والا عساء يقفل مع الباب بيبان
تعلن نتيجتها بكل المحافل = ياعاد زايد ياتقفاه زيدان
والعلم عند اللي للأرزاق كافل = لاقال للي يعجز الناس كن كان