عايد القريشي :
يامن بكم خاطري شاقي=كلّف عليّا وجيت أرضيه
سلام صادر مع أشواقي=لأهل الفرح فالصفا نقريه
يامن بكم تم ميثاقي=ردب الوفا دايماً تمشيه
ترحيب يامن بكم هافي=توالي الطيب وتوافيه
زان الصفا والمثل راقي=والطيب ما ينّكر راعيه
ياليت عندي مدى باقي=أكمل صفايا معك وأوفيه
شوقٍ على شوق متلاقي=دايم على خاطري طاريه
في ليل فيه الدجى ناقي=آخذ نقيّ المثل وأعطيه
كان العوافي ومشراقي=باقي معك ماأنتهى ناهيه
مظلوم بأقدم أوراقي=واللي ظلمني بأقدّم فيه
ليل الصفا تو ماراقي= ( ........... )
تعطيك من طالع إسياقي=لني سمعت الذي تشكيه
ليّا خصم ضيّق أخلاقي=وعكّر على خاطري صافيه
لا فيه غيرك ولا لاقي=في عدل الأحكام مترجّيه
أبذل معك كل ما ألاقي=إن كان ذاته ما تصخي فيه
خلك معه ند عملاقي=سايس أمورك معه وإنهيه
عنيد ما يسمع إنطاقي=والسمع صمّه ولا يصغيه
وكل مانهيته عن فراقي=كنّي أزوّده وأعصّيه
لو كنت عن خصمكم واقي=لك جملة أيام مترجيه
لابد لك العدل ينساقي=وتشوفه الناس وتخطّيه