لله درك ياصياف السحيمي
انا اشهد ياحرب ان راح منكم فقيده الله يرحمه
والله يرحم الشاعر الكبير مطلق الثبيتي
محاوره جميله جمعت الاثنين
مطلق/
مرحبا رحب وافي عند ربعي عتيبه *** مثل صبح" بدا نوره وجاله شعاعي
جيت فازع بسيفي واشهره واعتزيبه *** لو تقولون ما للسيف بالليل داعي
صياف/
البقاء بالعتيبي والعلوم العجيبه *** لاتطول ذراعك ثم أطـول ذراعي
والله انك من البارح بدت فيك ريبه *** كل ماحن بابورك رفعت الشراعي
مطلق/
يوم تنصب تبي لك من جهينه خطيبه *** وانت ربعك على راسك تجر المناعي
بس انا وانت يالحربي تفضل غبيبه *** واللبن صار كله زبد والزبد ماعي
صياف/
كيف أناسب جهينه والبنيه غريبه *** يالله انك تشيل اكراعها عن كراعي
انتظرني وازورك بالليال القريبه *** ثم أسرحك بالمعزا واسميك راعي
مطلق/
يكبر الجرح في جنبك وتلقا طبيبه *** كان ماوحيت في بيتك فحيح الافاعي
أنت راع الرعيه كل علم" تجيبه *** مار نص الرعيه في بطون السباعي
صياف/
أجتمعتم وصرتم تمرة" وسط عيبه ***والله اني لخليكم عشى للضباعي
كل ماشفت لك مخلوق فتشت جيبه *** وان تعرضت نايم تزهمه لين ياعي
منقوله