بسم الله الرحمن الرحيم
متى على الله تجي يا الصاحب الوافي=ونشوف بيتك منور عقب تضـليـمه
منظر يهز الشعور لبيتك الطافي=والوقت مجهول تأخيـره وتـقديـمه
البيت ينعاف واهل الحي تنعافي=احس بالحي واهله مالـهـم قيـمـه
الباب مقفل وفوقه يذري السافي=من طول غيبة هله بانت مراسيمه
يوم اتذكر ..عليك القلب ينلافي=والهم بالقـلب يكثر مـن مـعـازيـمه
منول الجو صافي والفكر صافي=صافي لـي الجـو لاعـجه ولاغـيـمه
واليوم ياكثر مجلاسي وميقافي=من يوم قفـى ولا جـتني تـعاليـمه
اثر الليالي ماتعطي علمها الخافي=تغير الوقت في ركـعـه وتسـليـمه