بندرالبلادي=
ما شفت من حضي الجاير = غير النكد و انكسارالحال
القلب من صدهـم حايـر = والدمع من مدمعي همـال
محمدسعداليوبي=
هذا قدر والقـد صايـر = والحظ وش يعدله لامال
اصبر .. ودام الزمن داير = لا بد .. يجي لها حـلال
ابوذياب=
لا بد الأسبـاب تتسايـر = بالصبر والعزم والأفعـال
بتلقى النتايج!! على الطاير = وختر أمورك براحة بـال
بندرالبلادي=
يامرحبا الشور و الناير = والعزم من قولكم مايطال
سهم الهوى نعرفه غاير = عساه من مثلكم ما ينال
ابوذياب=
مـدام ناديتـنـي وشـايـر = أبشر بعزك وطيـب الفـال
وان كان سهم الهوى صاير؟؟ = عطني أفائده!! وقليل أمثـال
محمدسعداليوبي=
عسى البقى والهوى ساير = والقلب يم الهوى ميـال
أحدٍ يجي له على الطاير = وأحدٍ يغني معـه مـوال
بندرالبلادي=
يلي سمعت اللحن دايـر = والعاج واضح بدون امثال
الجرح من طرفه الزايـر = اللي بنظره فؤدي اغتـال