سر يا قلم وكتب من الشعر منظوم=اليوم انا باسوقها بعقل ولباقه
البارحه فارقت عيني النوم=بسباب خل مايعرف الصداقه
والناس فيها طيب ومخدوم=وفيها وراعين تحب الطفاقه
وانا بين ربعي مقدر ومحشوم=ماني من الي كل من جاه ساقه
العز لنا من اول الوقت مقسوم=وحنا هل المعروف واهل الرواقه
واكره انا وجيه منقلين العلوم=ومفرقين القوم ربع ورفاقه
والجادل الي اصبح اليوم مضيوم=اليوم انا قررت اعلن فراقه
امنت انا بلى مقدر ومقسوم=وياالادمي مالك على الصبر طاقه
طبع البشر دايم ظالم ومظلوم=ياشين هذا الوقت شين اصطفاقه