المشاركة الأصلية كتبت بواسطة بخيتان البشري

إن قلت ياعمري قصيدة نظمتك=وش الذي تختار لأسم القصيدة
ماودي إني باختياري ظلمتك=مالا تجيده ماطلبتك تجيده
انقش بحرفي يابحر عمر عمتك=فصخور غبك لي سنينك شهيدة
وبريشة أيام الأماني رسمتك=صور خيالي لك ملامح عديدة
الصوت نبرة ترتوي لا زهمتك=ويضمأ صدأ صوتن عليه تعيدة
في ناظري باقي على ماوصفتك=وإحساس مغرم والمشاعر تزيدة
تقدر تقول العمر كله حلمتك = حلمي معي عسى حلومك سعيدة
هذا انت حاكمني وأنا ماملكتك=شاعر لقي زولك بداخل قصيدة