الح ـربي=
احـرق سجايـر ولا ادري=عن حال قلبي وش اللي جاه
السم وسط الحشـا يسـري=يضايق الدم فـي مجـراه
العبيدي=
سم الهوى سم مايضـري=محلاه ياصاحبـي محـلآه
وحلاوته لابقـى يجـري=ويمشي مع الدم في مسرآه
الح ـربي=
قلبي شكا لقلبـه العـذري=يقول خلي طمر مرسـاه
منهو يجيب الدواء بـدري=ويلحق على صاحبي بدواه
العبيدي=
الود له يالخوي جسـري=ياتعبره او يطيح اعـلاه
مير انت خليك له حذري=تسلم من الحزن ومن الآه
الح ـربي=
الود ماقد عصا امـري=دايم معي دايم(ن) انخاه
يشور ياصاحبي اشري=ولا ابيعه انـا بثـراه
العبيدي=
لايوم هالـود ينتحـري=وتندم عمر والسبب بلواه
خله لكم فالهوى ذخـري=اشريه واشري اللذي يبغاه
الح ـربي=
الذئب موللعبث يجـري=يجري ترا ناصين مرماه
اما هدف يشرح الصدري=ولا علـي انـا ارثـاه
العبيدي=
مانختلف والهدف مغري=انا معك بالفكر نرقـاه
جف القلم وانتهآ حبري=وانت تكآبر على فرقاه
الود حالتـه ماتسـري=كلاً بكآ منه في مرقـاه
مير انت واجهه بالصبري=خاضع لكم فالهوى تلقاه
الح ـربي=
جرحن فقلبـي غدايسـري=ازريت اكتـم انـا معانـاه
مادم هـذا الـذي يبـري=بالعـون ياصاحبـي بلقـاه
خطيت في ذا الاسى شعري=لاعـل يطيبلـي وانسـاه
بالفل والـورد والعطـري=اهديلكـم يالغـلا ذكـراه