أبو نواف=
سلام للغالي الوافي=اللي نعده من الأخوان
لك عندنا قدر ياسنافي=عالي منزه من النقصان
أبو فراس=
ترحيب يابادع القافي=من بال صافي لكم نشطان
ولك قدر في راس مشرافي=كنك علم معتلي ورقان
أبو نواف=
تبقى وعطني خبر شافي=وعلاج يشفي من الحرمان
من شافني قال ياكافي=ويدعي لنا برحمة الرحمن
أبو فراس=
عهدي بكم جوكم دافي=ووبل الحيا فوقكم هتان
واليوم ماغير عصافي=شاللي جرى شقلب الأكوان
أبو نواف=
ماكنت معهم غضي وجافي=دايم معاهم كثير إحسان
كيف الهوى فارق أطرافي=وبعد الهنا عقب الأحزان
أبو فراس=
بعد إطلاعي وميقافي=ومما لنا فالرسايل بان
عزول مابينكم طافي=في غفلتك هدم البنيان
وياصحابنا سامحونا=