ياضميري كان جاك الشعر دقق به ونقـه=القصيدة لو تزل ايصيبها عميـاً وصِقهـا
ودي ارسل للزميل رسالةٍ تخلـف ملقـه=يوم رجله عن طريق الحق عدت مافهقها
مانجامل كل مخطي والرجل من دون حقه=والله اللي خالـق العالـم ولكنـه فرقهـا
يازميلي خوذ علمي كامـل بجلـه ودقـه=ثم دقق بالحروف يبين وش خفت اروقها
والله اني بالليالي دارسٍ من كل طقـه=والملامح وضحت من رجل كلمه مانطقها
امش فالطرقه وحاول تمشي اللي فيه رقه=كل رجلٍ تمشي الرقه ترى ماحـدٍ لحقهـا
الرجل ينظر لغلطـة سابقـه ثـم يتفقـه=مايكرر غلطة الجاهل ويشرب من مرقهـا
والمراجل يازميلي دائمـا فيهـا مشقـه=سج رجلك بالدروب اللي ماحد قبلك طرقها
لابسطت الكف وقه عن لهيب الجمر وقـه=ولاتبين رقعة الخرقه ليا كثـرت شققهـا