محمدسعداليوبي=
أنا أحمد الله في ديرة حرب = ولا لي لدور العرب نزعـة
والصاحب اللي عضاه الدرب = واجب أداريه .. له وزعـة
سالم البشري=
البعد لاهل العزيمه قـرب = أهل المـروّات والجزعـه
واللي يداري أموره غصب = لو قال00 ماتنحسب فزعه
محمدسعداليوبي=
حنا بدينا القراح العـذب = والرجل مبداه من طبعـه
ومن جات له طيبه ويكب = يقاله في العرب ضبعـه
سالم البشري=
لو رحت عنها شمال وغرب = ماتعكس العلم عن وضعـه
والعاقل اللي فسلم وحـرب = مايزود ضرّه علـى نفعـه
محمدسعداليوبي=
ما أساوي اللي عشان الغُرْب = يبيع بأرخـص ثمـن ربعـه
إن كان تبغى الحصص ياذرب = نمشـي قوانـيـن مُتَّبـعـة
سالم البشري=
حنّا هل العرف وش تحسب = تشهد لنا الخلق مجتمعـه
ولو تعرف القـن ماتلعـب = ولاصار كل يوم لك طلعـه
محمدسعداليوبي=
صدقت ما أقول لك تكذب = ولا أحقر قبايل لها سمعه
وشرواك لعبي معه مكسب = ليَّه.. ويازينهـا سلعـة
سالم البشري=
هذا اعترافك بها واكتب = تقرير والناس مطّلعـه
واليوم من كاسكم تشرب = ياراعي الفعل الصنعـه
محمدسعداليوبي=
لو جبتها عكس مااستغـرب = حذفه بسيطة مـن السرعـة
وكأسي عذا .. وأنت لاتغضب = بالحيل مـن زايـد الجرعـة
سالم البشري=
خلك على العلم لاتهـرب = مالك عن اقوالكم رجعـه
في ساحة الحكم والمذنب = معذور والسيف من فرعه
يااصــحـــابـــنـا ســـــــــــــــــــامــحـــــــــــــــــــــونا=