المشاركة الأصلية كتبت بواسطة مدفع حرب

سر ياقلم واكتب على غاية الكيـف = أبيات فيها صغـت حلـو المعانـي
أبيـات مـا فيهـا عليـه تكاليـفت = حمل عبـارات الوفـاء وأمتنانـي
يسوقنـي داع الوفـاء بالمواقيـف = للي غمرنـي بالوفـاء واحتوانـي
يوم المواقف يكشـفً المضاريـف = شف الخوي عز الخـوي ماجفانـي
رفيقـي اللـي حفنـي بالمعاريـف = يفزع ليا شـاف الزمـان أبتلانـي
ماكنـه الا لافـزع سلـت السيـف = لا شاف شـيً فالطريـق يحدانـي
وافي معي يامكرم الجار والضيـف = ياكاسب الجـزلات ستـر العوانـي
يوم الردي في ساعة الضيق ماشيف = شف الخوي عز الخـوي مانسانـي
فهد فهـد مافيـه مثلـه ولا شيـف = عندي وكلً له مـع النـاس ثانـي
أسمك يشرف عند الاجناب تشريف = على النقـأ واضـح عيانـاً بيانـي
ماقلتها قصدي وراهـا مصاريـف = لا والذي لجله نصـوم أرمضانـي
مبطي وأنا أسمع عن فعولك سواليف = واليوم فعلـك فـي ملفـه طوانـي