هذه الابيات تحدث عن واقع بعض الشخصيات في المجتمع
ياللي تقول انك تبي تصير رجال=ونته من اول ماتعرف الرجوله
لاتحسبن المرجله روس الاموال=المرجله همه وصوله وجوله
عنوانها طيب وتراحيب ودلاال=وحجاج طلق ونفس ماهي ملوله
ولا انت ماحطيت مثلك على البال=لويمتلك مليار صافي عموله
مال الردي في قمة المجد منزال=حتى لونه من سلايل حموله
لون جدانه صناديد وابطال=النذل حارمتن عليه البطوله
تلقاه متغطرس وتلقاله اعيال=كلن يمثله من الكبر دوله
متعلمين بحال وبحال جهال=فيهم عن الواجب اليا حل فوله
ون جا مجال بمجتمع كثرة ازوال=على الريا فيهم نفاق وميوله
اما الرفيق ايشطرونه على الجال=عبرت عنهم بختصار وسهوله
والرجل له نظره وللخيل خيال=وللطيب ناس وللعذارا فحوله
كد قالها لافي وكم واحدن قال=الصبر طيب والعقود محلوله
|