حــــــــــــرب =
قضيت لي وقت فـي بابـل=مهما الزمن طال صعب انساه
لكـنـه الـيـوم ياقـابـل=ماغير ذيبـه يجـر عـواه
الــــجــــمــــل =
لاتذكرالفـايـت الـراحـل=وتزيد حالـك علـى ماجـاه
ياحـرب لاتلتفـت واصـل=قدامك الدرب يا مـا احـلاه
حــــــــــــرب =
من بعـد تاريخـه الحافـل=صـار الـذي ماتوقعـنـاه
ولابـد مانراجـع الحاصـل=الي جرى وسبـب الماسـاه
الــــجــــمــــل =
ياشينهـا غلطـة العـاقـل=بالحيـل ياشينهـا شيـنـاه
لكـن يمكـن دخـل داخـل=وزين لـه ابليـس ماسـواه
حــــــــــــرب =
انتـه وانـا نعـذر الجاهـل=وصاحب العقـل ماعذرنـاه
معقـول بنيـان متكـامـل=هاين على اهلـه يهـد بنـاه
الــــجــــمــــل =
من يلبـس الحـق بالباطـل=جاهل ودرب الصواب اخطاه
واللي معه فالخطـا جامـل=للحـتـف والتهلـكـة وداه
حــــــــــــرب =
ثلثين شعبـه معـه حـاول=والثلث الاخر مشى ممشـاه
حتى اصبح اليـوم متحامـل=وضع البلد عندنا ماارضـاه
الــــجــــمــــل =
قول الحقيقة 00يبـا صامـل=لاقابـل غليـص مايخشـاه
وحنا على المنهـج العـادل=ومن زارنـا قـال ماقلنـاه