اسلم وسلم ياصعوط المجانين=على الجميع وخص (هزاع) ليه
خصه ونصه ماورد بالعناوين=بعد السلام الحار والشا ذليه
من دون تقصير(ن)بجود الحشيمين=الحال واحد والنوايا مطيه
ماردهاعن فجها خوف لاتبين=غيرالوقار وقا فيتها عليه
رسالة(ن)عنوانها بين قوسين=للنادراللي قل تلقى حليه
والمدح مايوفي خصال الكريمين=واللابه اللي نارها دوم حيه
ميراوصلوه رسالة(ن)بين قوسين =بعد السلام الحار والشا ذليه

...........................=..............................
جتني رسالة عن جميع الدواويـن=مرسولةٍ من شخص غالي عليّـه
رسالةٍ تحمل جزيـل المضاميـن=حي الكتاب وحـي راعيـه حيّـه
يامرحبا بالنايف آهـلاً وسهليـن=ترحيبـةٍ بالعـود الأزرق عذيّـة
من بعدها بخـط للقـرم حرفيـن=حرفٍ وفا .. والحرف الآخر مزيّه
ذيبٍ تعلّى فوق روس الضلاعيـن=صـوتٍ يحاكـي كـل روحٍ أبيّـه
من نايف الحربي حفيد السلاطين=ثابت وشامـخ كالجبـال العليّـة
من لابةٍ وقـت الملاقـا مجانيـن=أفعالها شاهد// صبـاح وعشيّـة
قلته .. وانا ماكتب بليّا براهيـن=المدح لرجال الشـرف والحميّـة
معيار طيب الرجل ماغير ثنتيـن=دينٍ سليم ... وحسن خلق وسجيّة
هذا الجواب ومركزه بين شخصين=احروف شعرٍ من ضميري نقيّـة
وآزكى صلاتي مع سلامي ملايين=على رسـول الله ..محمـد نبيّـه