على ذكرى الزمان اللي طوى حالي طواها طيّ=ابكتـب ماتذكرتـه واغنيـهـا بالالحـانـي
يهيضني سحاب الصيف له راعد وبارق ضيّ=ليامني لمحت البرق هاضت كـل الاشجانـي
تذكرت الزمان اللي سليم من الحسـد والغـيّ=ليالٍ ماضيه فيها البشـر محسوبـه اخوانـي
ليالٍ صافيٍ فيها شـراب المـاء بعـدّ الـريّ=الا ياطهر هاذيـك القلـوب اللـي ماتندانـي
وتذكرت الحبيب اللي كواني في فراقـه كـيّ=وسرابي هاجس الذكرى وراح اشكال والواني
ونا ماني بشاعر لو نظمت من الظماير شـيّ=هواجيـس بتـال الليـل ابحداهـا وتحدانـي
الا ياوقت وين اللي غلاها في خفوقـي حـيّ=غلاها في خفوقي سـاريٍ مـع دم شريانـي
عليك الله واكبـر يازمـن تاخـذ ولا تعطـيّ=صواديـف الليالـي احرمتنـي نورالاعيانـي
مضى وقت كثير وباقي جروحي بعضها نـيّ=ونا صابر على بلوى الزمـان اللـي تبلانـي
يقولون العرب خذ قاعده دايـم حـلاة الشـيّ=وجودة نادرٍٍ والبحـر بـه لولـو ومرجانـي