الحب كله حلى لو حلوه اخطانـي=لذقت منه العسل مدموح ماضيـه
وادعتهم والهموم تعانق احزانـي=ابكي واومي ولا احدن ملتفت ليـه
اشكيلك الحال وانت اعـز خلانـي=يالصاحب الي حلولك دبلوماسيـه
اختـر الاول ولا بتنفـذ الثـانـي=مستقبل الحب في جملـه خياريـه
هم عذبوني وابي دكتور نفسانـي=عارف بمور المحبـه والهواويـه
ثم ينزع الحب من بستان وجداني=يردف على خافقي كيه ورا كيـه
ولا تفزع بني عمي مـع اخوانـي=ابذبح الي سعـى بالفتنـه السيـه
وابخطف الي لعب بالقلب مجانـي=بغرمه عن حياتن راحت ضحيـه
بس اني مع شوفته ياكثر نسياني=اكيد ابنسى حقوقي مـع معاليـه
لانه غدير الهوى والقلب ضمياني=وليا وصلته شربت و زانت النيـه
في وصفها ماني بتايه وغلطانـي=الا بجيد الوصف ميه علـى ميـه
العين عين المصقر طير حورانـي= ما منه يابن العرب رحمه و ماويه
والخد منه القمر حاسد ومنهانـي=صاير بجنبه قمر غطا على ضيـه
والفم في داخله لولـو ومرجانـي=صفين حرب وتعاون كلن وخيـه
من دونهم جمرن تحير به الاعياني=ماينطفي لو تصب بوسطه الميـه
في زينها اراهن ولا يخسر ارهاني=حورية الوصف لو ماهي بحوريه
وانا على هالامل به شي خلانـي=امر بيته و واقف كـل عصريـه