بديت بذكر ربي عـــــــــــــــــالم الاقدار والخيره=
ليا ضـــــــــــاقت على قلبي وكثرت به مشاويره=
انا وقتي عدون يتــــــــــــــــعب الافكار تصخيره =
وانا من رميته كني كسيرن خــــــــــــاب تجبيره=
وانا من رميــــــــــــته كني كريمن صابته حيره =
وانا من رميته كني سجينن حــــــــــــان تعزيره=
وانا مــــــــــــــن رميته كني يتيـمن غادر الديره=
اشبه حالي وبعض الشبه مــــــــــا زل تصويره=
شربت المـــــــــر من كاسه ومره عاند الشيره=
اصد بخـــــــــــاطري عن همه الوهاج واديره =
ولكن ما اسرع الــــــــرده يعود مواصلن سيره=
فرحبي من فرحبـــــي بالقشر ويبطل بزيــــــــره=
يهذري بالمجالس والســــــــوالف جالها نيره=
تبين من يصدق بالهروج وبــــــــــانت الغيره=
ياكود الحـــــــظ مع طول الليالي ماكفخ طيره=
لكن الموقف الحاصل بعد مــــــــا بان تقريره=
بجنب عن دروبــــــــن تاصله بقطع مصاديره=
يشيله شايل الشــــــــــــــاره بعد دقه وتعييره=
وانا من فضل ربي ما اقبل الافضال من غيره=
يسوقون المـــــــراجل سوق راع الذود لبعيره=
الا من ذكــــــــــــــر واحدهم وهلتلي تباشيره=
نضح هداج من زوده ولا هـــــو ناقصن بيره=
وتاليها بعود واطلب الله يكتب الــــــــــــخيره=