يـامـرحـبـا واهـلـيــن والله يـحــيــك=يـا شاعـرن عسـر المواقـف حمـاهـا
كتبـت لـك خـطـن يـقـدم لــه الشـيـك=مـثـل الجـواهـر مـــا لقـيـنـا حـلاهــا
قريـت خـطـك بعـدهـا قـلـت اقهـويـك=مــن دلـتـن تسعـالـهـا مـــن غـنـاهـا
فنجالـهـا يـبـري عظـامـك ويـبـريـك=مــن علـتـن يصـعـب عليـكـم دواهــا
ما كنت احسب الشك يقطن باراضيك=او تشتـبـه فـيـهـا وتـخـطـي خـفـاهـا
مثلـك علـومـه غانـمـه دون تشكـيـك=ابيـض وجـه حـاول يصحـح خطـاهـا
السالـفـه حصـلـت ولا عــاد يمـديـك=ومـا فـات مـات وكـل نفـس وهواهـا
يعنـي عشانـه واحـدن مــن بنيخـيـك=ادمــح لــه الـزلــه واكـابــد عـنـاهـا
لا والله الا هــم عيـنـه وانــا اخـيــك=طبـع الـرديـه تفـضـح الـلـي شـراهـا
احـدن علـى ربعـه يجيـب الشرابيـك=يزعل بهـا الصاحـب ويفـرح اعداهـا
واحـدن علـومـه لا توحـيـت تغـريـك=تنشـد عــن انسـابـه وتـمـدح نبـاهـا
واحدن نظـف سنـه بفعـل المساويـك=حـرم علـى السوسـه تلاقـي عشـاهـا
والعـالـم الله فــي حـيــاة الصعـالـيـك=ضاعـت سلـوم و عـظـم الله عـزاهـا
جـاب الخطـا قلبـي ولا هـو مناجـيـك=ورسالـتـي بـالـعـرف قـلـبـي قـراهــا
ينصت ويصـرخ لـي هـلا فيـك لبيـك=ورسـالـتـي لـــه بالـمـواقـف لـقـاهـا
لابـــوك ياقـلـبـن تـغــرك هـقـاويــك=باهـل الوجـيـه الـلـي خفـيـن غثـاهـا
لـــو ادري انـــه لـلـرديـه يـهـاديــك=مــا كــان نــال الطيـبـه فـــي بـنـاهـا
جاب الردي يسـرج خيولـه ويشنيـك=وبـل الكبـود الـلـي طويـلـن ضمـاهـا
ياقلـب هـون وش تسـوي عـزاويـك=بالـعـزوه الـلـي مــا شملـنـا عـطـاهـا
خـلـك عـلـى ربــك وربــك بيغـنـيـك=عــن فزعـتـن تـاتـي بلـيـا عـصـاهـا