معاند زمانه=
اللي قراء ماقرالي زين = يومي اجاريـه بفكـاره
مشاف ردي على الثنتين = والا تجاهل من اختـاره
سالم البشري=
عجل عليّه وقلّي ميـن = اللي تجاهلـك بزيـاره
باسعى وادوّر لكم تثمين = لاعطيتني موجز اخباره
معاند زمانه=
الاسم واضـح وذا تبييـن = للي قـرا الخـط بعبـاره
مدري قرا خمسه اوخمسين = فنجال فـي كـف بصـاره
سالم البشري=
هذاك لو شفت منه اللين = لاتظنّـه يغيّـر شعـاره
والحر وقت الحساب يبين = مغلوب من قـل مقـداره
معاند زمانه=
نعم بجنابه ولابه شين = نافل علا الجيل في كاره
لاهنت يامرتب البيتيـن = كسراتك اليوم جبـاره
سالم البشري=
ماننقص الكيل للوافيـن = والقيل معروف شُعّـاره
ولاّ الذهب تعرفونه زين = فالسوق ماتنقص أسعاره