دارهذا اللحن بين أخوكم
ماجد أبومديده
والشعراء المبدعين
قابل البشري & وسلمان بن عرابي القريقري
يوم الخميس الموافق 19 / 10 / 1430
بينما كنا متواجدين في حفل زفاف أبناء الشيخ
عبدالمجيد إبن حمادي البشري
( 1 )

قابـل & بــن عـرابـي =
سلام نبغـى المثـل ينقـاد=لايكون زايـد ولا منقـوص
واللي في رسم المثل أستـاد=مايختلف بنيه المرصـوص
مـاجــد أبـومـديــده =
حِنّا علـى أكمـل إستعـداد=نطُّب بحر المثـل ونغـوص
ترحيـب فـي أول الميـراد=مجهزينُه لكـم مخصـوص
قابـل & بــن عـرابـي=
مادِمت حاضِر لنا في المـاد=هيا إستمع نصُّه المنصوص
آبا أشتكي لـك مـن اللهّادا=اللي مسبِّب كـدّر ونغـوص
مـاجــد أبـومـديــده =
أنـا بجاهِـد معـاك جهـاد=مادام لك في اللحون نصوص
بْلا سبـب ماتحِّـس أنكـاد=مهما يرَصْ الألم برصـوص
قابـل & بــن عـرابـي=
بيني وبيـن المـرام بْعـاد=وحبل الوصل بيننا مقصوص
حتى الأمل والبخـت مافـاد=كُل ماأبتِسملي قليل يحـوص
مـاجــد أبـومـديــده =
يبقى وصال المـرام عنـاد=مادام نهج الأمل مخبـوص
ولو كان سعيك عليهـم زاد=مايحوص عن قُربُكم ويلوص

دارت هذه ا اللحنين في خليص
أمس الأربعاء الموافق 25 / 10 / 1430
في ضيافة الأخ العزيز
جميل بن حمزه الصبحي
وبحضور كُلآ من الأخوان الشاعرالقدير / أحمد العمودي
والشاعر القدير/ سامي الصبحي
والأخ العزيز / عبدالله جمعه والأخ العزيز / فوزي البشري
وكانت الألحان بين كُلآ من
ماجد أبومديده
&
قابل البشري
( 1 )

قــابــل الـبــشــري =
سـلام تـوُّه جديـد وجــا=ماهو مبيّـت مـن البـارِح
إمـا نـعـم جِبتـنـي أو لا=حتى يكون الهـدف واضِـح
مــاجــد أبـومـديــده=
مِن الألِف لين حـرف اليـاء=ترحيـب عِنـد اللِقـا قـادِح
وإفرح بكلمـة نعـم وإسـلا=مادِمـت ساهِـل ومتسامِـح
قــابــل الـبــشــري =
إن راد رب العِبـاد وشــاء=كسبـان إنتـه وأنـا رابِـح
لكِّـن خلـك معـي وإقــد=احتى يسيـر المثـل ناجِـح
مــاجــد أبـومـديــده =
الجو خالي مـن الضوضـاء=ولازال درب المثـل بــارِح
والخط ماهو كمـا الإنشـاء=في حصتي ماسـرح سـارِح
قــابــل الـبــشــري =
ودي أشاهِـد خريـر المـاء=وأسمع شدى البُلبُل الصـادِح
لكِـن تحكُـم عليـا أشيـاء=ماأظُـن تخفـاك يانـاصِـح
مــاجــد أبـومـديــده =
المرء تحكُـم عليـه أهـواء=يمسـي بهـا دوم ويصابِـح
تلقاه مُجبّر علـى الأخطـاء=ويصبِح في جرحُه هو الجارِح

مــاجــد أبـومـديــده =
مافي للأمثال دفتـر خـاص=يحفظ جزيـل المثـل تذكـار
لأن بعض العلـوم رخـاص=في سعرهـا مالهـا مِسعـار
قــابــل الـبــشــري =
جهزّت مع كامِـل الإخـلاص=دفاتـر الضبـط والأفـكـار
والرامـي الماهِـر القنّـاص=ماهو كما اللي بـدون عيـار
مــاجــد أبـومـديــده =
شرعآ لنا في الجروح قصاص=واليوم ولّـى زمـان الثـار
جرح الهوى مامِنُّه مخـلاص=واضِح وفيه الدليـل إحتـار
قــابــل الـبــشــري =
درب العدِّل ماعنُّه محـواص=ولافيـه لفّـه يميـن يسـار
واللي في بحر الموده غـاص=يمشـي مسيّـر ولايخـتـار

ويصحابنا سامحونا
منقوووووووووول .........