قابل البشري=
سلام ياحضـرة الباشـه =عن الوفا ما عطى مجناب
منقول حرفه على الشاشه =عن وصلكم مايرده بـاب
ماهر ابو خالد=
جينا على الخير وارشاشه =ارباب وانتم لها اربـاب
وفنجالنا عد مـن ناشـه =نعطيك باعدادها ترحاب
قابل البشري=
منك الوفاء مانقص كاشـه =وافي ونحسب عليك حساب
بس البلا نـاس غشاشـة =جاروا عليه بدون اسبـاب
ماهر ابو خالد=
المرتشي يطيع من راشه= بينه وبين المعالي حجاب
وقبلي شموخ الجمل عاشه = أقراب وشهدوا عليه أغراب
والرسم يعطيك منقاشه= مع الدلايل على الكذاب
خلك ملك منعم فراشه = كتاب يقبل ويعطي كتاب