مدام للشعـار والشعـر ساحـه
عنداللـوازم ماتغيـب القريحـه
لا لاوح الهنداب قست المساحـه
واخترت جزلات البيوت الفصيحه
كلٍ على شفـة يجـوز اقتراحـه
ماب اليديم يبينـة لـك نضيحـه
من طب با الميدان جرد اسلاحه
الله ولا مـد اليديـن الشحيحـه
العيهل الماثوق يصفـي قراحـه
لوكان غربه ما يهـود سريحـه
لو قصرت الرجلين للنفس راحه
بيعت وشريت يوم بيع النصيحـه
ما كل غلطه للعـوارف مباحـه
حتى يقـال فـلان ربـه يبيحـه
ماقولها متفلسـفٍ فـي بجاحـه
ولا مهاجملي على الشوف ضيحه
لا كن فيها لي شبـه أستراحـه
اشر بسيفٍ ماظهر من ضريحـه
عن واقع الماضي نعد الصراحه
للقيل سا مع والمصادر صحيحه
دورٍ على اهل الشعر فيه اجتياحه
غزو الحدا ثه طامع انه يزيحـه
مايدري انة واقـع(ن) بالوقاحـه
ماروثنا الشعبي عديل الفصيحـه
كم شاعر خلد من الشعر واحـه
في معجم التاريخ خلد مـد يحـه
في حال ولاحال خطرٍ اسلاحـه
اللـة يجنبنـا مهـاوي قبيـحـه
جرحه تعذر عنه طب الجراحـه
من ناقش الجاهل يطيح بمطيحـه
شعر الحداثة كل رجل وكفاحـه
خلوه بين الخلق مقطوع صيحـه
الشاعر غازي الزغيبي
بيض الله وجهك القصيد الهادف هو القصيد وين الجديد يا ابا طلال