اما على موقف بتصويـر ميقـاف = أو غالي ٍ من بعد وصلـه قطعنـا
اخذ مع الهوجاس سهل ٍ ومشراف = والكون كلـه والفضـا ماوسعنـا
واصخر افكاري على وزنة القـاف = واشد مبناها علـى سـاس معنـى
والشعر كانه ماجلب جملة اهـداف = يصيـر مـردوده لنـا مانفعـنـى
حيثه رساله تنحمل فوق الاكتـاف = نعطي فوايـد نـاس تاتـي تبعنـا
نصون ممشانا عن الحيف وانخاف = مـن زلـة ٍ مردودهـا مارفعـنـا
هذي مبادي ناس حنّا لها اسـلاف = واجـب نطبّـق منهـم ماسمعنـا |
صح لسانك واعتلا شأنك اخي خالد على هذه الرائعه
قصيده جزله من شاعر جزل وذات معاني رفيعه دائما يتميز بها الشاعر خالد
ومميز في حضورك الشعري في اي غرض من اغراض الشعر
الله يعطيك العافيه
لك ودي وتقديري اخي الكريم