المشاركة الأصلية كتبت بواسطة شريدة الفرسان

من لاقدح من مخة الرأس شاره=لاتنخطب بنتـه ولاتوخـذ ريـاه
ومن لارفت يمناه زلـة يسـاره=تصبح يمينة قدرها مثل يسـراه
ومن لانفع ماظر في كـل غـاره=ومن لاهدم مالـه بيـوت مبنـاه
ومن لاعرف مقدار نفسه وكاره=سحم السباع إلي تقانب تعشـاه
من لا بنا ساس المسلح عمـاره=يصبح شماته لنفوس المـراواه
يقول من ذاق الحـلا والمـراره=تجـارب الدنيـا كتبهـا بيمنـاه
أخذت من بعض التجاره عبـاره=:يجاهل الايام بوصيـك بوصـاه
إليا نزلت السـوق دور خيـاره=يابعد فرق الزين والشين بعـداه
واحفض لسانك زين وقت الزياره=من طاع نفسه باع دينه بدنيـاه
وانااعرف ان الحر تكفيه الاشاره=والعلم مافـاد القلـوب الموطـاه
والطيب ماهو من بنوك التجـاره=الطيب طيب بساعة الضيق نلقاه
وليا بغيت القاف ماخذت إعـاره= ترد اول كلامك عـلا اتـلاه
ارفع مقام الشعروبنـي جـداره=ولاهوب متعبني اليا صعب معناه
يلي تقول الوعل اسـد المغـاره=وتلبس السرحان شعرمن الشـاه
عباد وجـه ولا بكبـدك مـراره=كيف البشر يعبد بشر كنه إيـاه
من كيد نفسه معمي الله بصـاره=ولايلعن الله غير قوم المضاهـاه