علي =
يا هلا مرحبا واقولها بنيابه = قلتها عن هل العرفاء سعد من عرفها
يا مجيد القراءة ومجيد الكتابه = المسافه ما بين سهيل والجدي شفها
لهاب =
البقا عد نون هل وامطر سحابه = عند قومٍ تنومس من يلوذ بطرفها
كل علماً مع العراف يحسب حسابه = والصعيبه يجي عسافها ويعسفها
علي =
كل رجال له حشمه وقدر ومهابه = وان ملاها الوسيدي صاحبه ما نصفها
يا لهاب الوسيدي لاتمر اللهابه = طير مثل الطيور اللي تدر علفها
لهاب =
هيه يا الحصني الموضوع ما هونهابه = كل رجال تعرف وقفته لاوقفها
دايم الرامي الماهر يحقق صوابه = وعادة البندق العوجاء تضيع هدفها
علي =
كل ذيبٍ مع الطرقه بعيشه نابه = والعرب لاينسيها طمعها شرفها
لاتسوق البعير اللي يضيع زهابه = لايغرك هديره لو رقبته عطفها