حامد البشري
سلام ياللي لكم تقدير=ومقدار فالمنزله عالي
ثابي ولا يقبل التغيير=من سابق الوقت والحالي

---

حمدان الحمراني
ترحيب حسب السلوم يسير=كله غلا قدر للغالي
واللي عليه الدليل يشير=ان الوفا منك متوالي

---

حامد البشري
عسى البقا واسمع التعبير=بشرح لكم حال في بالي
هيض عليا نهار عصير=غزال عكرعلي حالي

---

حمدان الحمران
لعل فالا مر صدفت خير= تغانم الريم طوالي
قدام يجفل وعنك ينير= انصب له اشراك وحبالي

---

حامد البشري
قلبي تعنا بذاك الطير =من يوم شفته تهيالي
مقدر اصل له عليه تحذير=ولا فديته بالا موالي

---

حمدان الحمراني
هيا اسمع الرى والتقرير= حسب اجتهادي فالا مثالي
لا صار دونه حرس ومدير= صعيب ماهو بالاسهالي
مبعد عنه يقصر التمتير= حسب اجتهادك فالا قوالي
انصحك دور بداله غير=مادونه ابواب وقفالي