الحب كذبة سطروها مجانين=واستفحلت بذا الزمن وش بلاها
هي كذبة عاشوا بها عدة سنين=وقالوا بان الروح تعشق مناها
دمعة حزن مع هم وشغلة مساكين=واقصى حدود المسكنه ومبتداها
يعني بلاء وساس البلاء هي ياشين=ومالك ابد مصلوح والله معاها
لا صار ذل وضيم طيب على وين=تسوق رجلك في دروبك وراها
يا شيخ عاشق طل تكذب على مين=علي انا يا شيخ اقلع مداها
قلها لغيري يمكن يحن ويلين =ولا انا ارجوك لا اسمع وحاها
بس انت يالراقي بس انت يا الزين=ادخل على الله لا تزود غثاها
ما ظنتي فيها رجاء يا مسيكين =ولا فايده يمكن تجي ولا عساها
حنا عن دروب المذله عزيزين =اقدامنا تكسر كسر لو تطاها
ادري بنا جهال يا باشت الفين=ومن غيرك الدنياء تضيع بعماها
دام الحضاره عندكم ما بها دين =خل الحضاره عندكم ما نباها
خل الهواء وصل عرض المصلين =صلاة ربك تنفعك يوم تلقاها
لا تقولي باكر ولا تقول بعدين =الحق على نفسك قبل منتهاها