المشاركة الأصلية كتبت بواسطة حرب

ابــــو عـــــادل=
اعـداد ماتُقطـع الاميـال=واعـداد صـوت الملبينـا
سلام فيه انشـراح البـال=ممشـاه حسـب القوانينـا
ابــــو عــمـــر =
يامن لكم فالحشاء منـزال=ياهـل الوفـا يالمياميـنـا
ترحيب تضرب به الامثـال=والليلـه اسعـد لياليـنـا
ابــــو عـــــادل=
عسى البقى ياثقات رجـال=حسب الـذي بيننـا جينـا
ولاتنقطع موجة الارسـال=قـود المثـل يامصافيـنـا
ابــــو عــمـــر =
تشريفكـم غايـة الامـال=ياللي على الطيب ماشينـا
وقن المثل ماعليـه جـدال=وانتـم فنهجـه ربابيـنـا
ابــــو عـــــادل =
زدنا شرف والفرح فاقبـال=وشوفتكـم اغلـى امانينـا
وياسـادة القيـل ياالعقـال=الطـرف بالدمـع مشقينـا
ابــــو عــمـــر =
ماباس يامشتكي من حـال=زود عليـنـا شكاويـنـا
لكن سبب دمعـك الهمـال=لابـان تسمـع فتاويـنـا
ابــــو عـــــادل =
مايكمل الشرح فأستعجـال=اسنيـن نشكـي ماسينـا
كل ماانبرى جرح عاد وزال=ويعـود لاعـاد مبكيـنـا
ابــــو عــمـــر =
المشتكي بان.صبره طـال=لـكـن عـيـا يرسًيـنـا
شمس المعاني حجبها خيال=لسّاعـنـا فالعنـاويـنـا
ابــــو عـــــادل =
هيا استمع ياجويد الخـال=فالواقـع اللـي معنّيـنـا
لااقبل دموع الفرح تنهـال=ولااقفـى تهامـل مأقينـا
ابــــو عــمـــر=
باب الامل ماانقفل باقفـال=حسب الـذي منـك ياتينـا
بس الذي مسبب الاشكـال=اشبه مايرسي على المينـا
ابــــو عـــــادل =
اسنين شايل حمـول ثقـال=فالقلـب صوتـه ينادينـا
زينه وطاريه بعـد المـال=توضيـح واقـراه ياخينـا
ابــــو عــمـــر =
صلاح. مافيه شيء محـال=ومهمـا الماسـي تبارينـا
إعلم تـرى للعقـد حـلاّل=مدبّـر الكـون وآليـنـا