ياماحلى عقب العشاء شبة النـار=عقب الهجوع ليا رقد كل كوبـه
في ضبةٍ ياعبيد يودع له شعـار=وسواة فنجال يشـوق بصبوبـه
لاقليلٍ حبـه ولا قاصـر بهـار=يصبغ على الفنجال من ثقل روبه
اشعل يجوز لشارب الكيف والكار=لو دوروا به غمزةٍ مالقـوا بـه
في مجلسآ فيه المحبين حضـار=والا رديين البخـت محضروبـه
اللي اليا جاهـم رفيـقٍ بمسيـار=و اقبل على ديوانهـم شوشوبـه
تلافتوا على بعضهـم بالانظـار=وتغامزوا مابينهم وضحكوا بـه
الناس فيهم يافتى الجـود هـذار=مسترحلٍ لبليس حطـه ركوبـه
عراض غرة مسلمآ غافلآ غـار=ويعرضه للناس لو ماحكوا بـه
دايـم لغـرات الاجاويـد عقـار=يظهر عيوب ولادرى عن عيوبه
وفيهم بلهين على الميل صبـار=يصبر ولو طلة عليه الصعوبـه
لاجاء زمانٍ فيه غلين الاسعـار=لاشلهب الوقت المطول جلوبـه
وفيه الشجيع اللي لياصر ماصار=لاضامهم ضيم الرجال اعتزوبـه
وفيهم تبيني لايسـرك ولاضـار=ماغير يحسب للربايع ضروبـه
اثيلبيـن مايسـرك بـالاشـوار=يوصف علي ماقيل به طير ذوبه