حــــــبــــــيـــــــب =
مرحبا بالحربي اللي مافقدته غير مره=مرتأ وحده وحصلته مية مره بعدها
وان بغيت ادوره حصلتله فالارض جره=جرة الحربي تعلمبه ولو محدأ نشدها
صـــــــــيـــــــــاف =
البقا باللي يرحبـي ورى وادي مسـره=ون فقدني مرةٍ وحده يحضر لي سندهـا
جرة الحربي لها قيمة ولا فيها مضـره=مار بعض القوم ترفع رجلها وتحط يدها
حــــــبــــــيـــــــب =
فاقدينك يوم جينا بين ضلع و بيـن حـره=قبلها مرات لو نعـد مانحصـي عددهـا
أكرم السحمان خيره مايعادل نص شـره=و أبخل السحمان يرضع كل ناقه مع ولدها
صـــــــــيـــــــــاف=
مابقي فالوادي اللـي تخبـره مثقـال ذره=و المخيله لو تخيل برقها يسبـق رعدهـا
أختلف جو العتيبي و اختلط برده و حـره=قام يلمس راس مبخوته يحسبنـه نهدهـا
حــــــبــــــيـــــــب=
أن قفل سوق المدينه سوق رابغ مانمـره=واعذاب اللي يدور لـه لـزومٍ ماوجدهـا
كان مبخوته تدور حاجةٍ حلـوه و مـره=لاتواعد من يواعدها و تخلف في وعدهـا
صـــــــــيـــــــــاف=
لاتدور للمشاكل وأنت في سـره و قـره=إخذ مسواط العصيده ياحبيب و أعتصدهـا
كان خاواك السحيمي لاتحطه في مغـره=أتركه عند الديار اللي قبل مـده وردهـا