المشاركة الأصلية كتبت بواسطة تركي العمري

ياللي علينا في مجيك تغلا =وش ينفعك كانك علينا تغليت
اللي تغلا قالوا انه يخلا =واليوم خليتك وعن حبك اقفيت
لطروك ليه قلت هذاك ولا =من شان عزت نفسي اليوم صديت
حبك بقلبي بالمعالق تعلا=ونزلت من قلبي بعد ماتعليت
قلبي لشافة قبل رحب وهلا=والحين مالك كرت عندي ولابيت
لون معيه صرت حالي محلا=انكان قلت آآمر عليه بما شيت
آمر أمر يابوجديل"ن" مفلا=لو تبغي اعيوني لمطلبك لبيت
تقول بالجوال نبغا انتسلا=واقول بالجوال انا ماتسليت
وادي ابشوفك مير حضي تدلا=وشوفك هو اكبر امنية لاتمنيت
لاكن شفت الكذب منك استهلا=واكبر دليل اعطيك كانك تناسيت
شهرين وانا معك واهلال هلا=يعني ثلاث اشهور توعد ولا جيت
جاملت في حبه عساه ولعلا =يترك تغليه ويعود عسى ليت
وامجاملي مافاد والبال ملا=جاملت لين ازريت ابتحمل ازريت
في ذمتي مادام عيني تحلا=مرجع لحبك دام قفيت قفيت