راكب اللي مشترينـه يـوم حـده=والغليبه فيـه ماتحسـب غليبـه
لا عطالـه مـع عبـال مجرهـده=الجهـاز وذبذباتـه مـا تجيـبـه
منوة اللي يوصـل العلـم ويـرده=وتاق للمسيار وزيـارة صحيبـه
ضافي بـن دليـم لا عـدو نعـده=ونعتزيبـه فـي نهـار نعتزيبـه
اشهد انه سيف بنصابـه وحـده=ينبديـبـه للـرجـال وينعديـبـه
واشهد انه للخوي يبـدي مـوده=واشهد انه ذيب بالـدار المذيبـه
والجماله طبع ابـوه وطبـع جـده=والخـوال معنزيـنـه بالجذيـبـه
والشقيق اللي لبس للطيـب قـده=والشرف حطه على متنه وجيبـه
ياعسى غبـر الليالـي ماتضـده=وياعسى الجزلات يكسبها نصيبـه
رحت انا ويـاه بالمشـوار مـده=وكل مـازادت مسافـة زاد طيبـة
يـا نديبـي وصلـه علمـي ورده=واعتذرلي منه بعد ذيـك المغيبـه
صدتي يا بو بـدر ماهـي بصـده=بس عند الذود وظروفي صعيبـه
ودي اودهله مثـل نـاس تـوده=قبل لا تركز على راسـي نصيبـه
مر اقول الزعـل صيـف بجـده=ومر من قرب الزعـل بتعصيبـه
وشفت بعيون الجمال اغراض عده=ما يبن اسباعهـن منهـن قريبـه
ما حصلي مع هل الطـولات هـده=واتعبـت قلبـي معينـة النجيبـه
وراضي باللي كتب ربـي ومـده=واعرف الارزاق ماتوخذ غصيبـه
يا وسيع العرف مثل سهيـل قـده=ويا ترى يخط الهدف مدري يصيبه
والتحية مع شـذا العنبـر ونـده=ويا هبوب المسك هبي واسكنيبـه