خالد البشري =
سلام لموجودين الساس=يمشي علي حسب قانونه
عاجل عمومه لكل الناس= والغالي الناس يطرونه
فواز الزويهري=
يامرحبا بطيب الإحساس=وراع الوافا الناس يوفونه
راع الذهب نكرمه بالماس=والقيل يامحسن لحونـه
خالد البشري=
دام البقاء يارجل نبراس= ياحاوي الطيب وركونه
درب الوفاء بيننا مقياس= وانتم بلاشك تعطونه
فواز الزويهري=
يامن لكم فالمثـل نومـاس=والحرف تعطون مضمونـه
هات القلم قـرب القرطـاس=ووصف لنا الحال ويش لونه
خالد البشري=
الي بنا حرك الهوجاس=والطرف والقلب يشكونه
سنين فمعالج الهوجاس=حتي الخفي بان مكنونه
فواز الزويهري=
مثلك على النايبه قرنـاس=والحمل بالصبـر تقوونـه
وإن شفت مزن الحيا رجاس=أستبشـر الخيـر فمزونـه
خالد البشري=
كثر الصبر جابلي وسواس = واخاف تغديبي طعونه
حط الدواء واخبر الجلاس = مثلك تراء العرب ينخونه